林子博太太病情反复苦无对策　飞台寻希望：揾到1种免疫细胞治疗

林子博呢日喺香港开电视节目《大叔要变身》向排舞师Sunny Wong拜师学艺，原来子博囡囡林诐渝系Sunny Wong徒弟，子博笑言：“如果我今日拜埋师，咪变左系我个女个师弟啰？好奇怪呀！”子博指女儿醉心跳舞，平时帮个女拍片仲会陪跳：“佢会捉埋我跳架，如果我唔跳，佢会觉得呢个阿爸咁娘、咁脱节架咁，为左同个女无隔膜，我咪跳埋一份啰！”

子博对太太董燕君Shirley照顾无微不至，提到太太病情反复，而香港主流治疗已经无任何对策，子博透露：“我哋喺台湾揾到１种免疫细胞治疗，依家等紧台湾通知，佢哋一话OK，我就即刻带老婆飞过去！”Sunny Wong对排舞室可以重开感到高兴，更加期望演唱会可以复办，畀所有待业舞者能重返舞台工作。