黄翊被传介入康子妮婚变　开记者会澄清：我连佢电话号码都冇！

林晓峰康子妮昨日传出离婚消息，虽然未经二人证实，不过林晓峰在自己的IG发了两文感谢太太多年为家庭的付出，令人相信消息属实，而有传媒指二人婚变竟然涉及歌手黄翊，原因是康子妮曾为黄翊拍摄MV《爱到底》两人因此感情有进一步，今日黄翊就为事件作1出回应。他说：“我觉得好突然，我点会突然同呢件事扯上关系?系咪有人影到相呀?剩系有两个记者走嚟问我，我就好奇怪，但我听到康子妮会同老公分开，咁呢个系一个唔好嘅消息，我同康子妮正式认识大约两年前左右，我揾佢拍MV做女主角，之后我又搅演唱会，再见面就系演唱会庆功，庆功之后喺我记忆入面就冇乜点联络过喇，(太太听到之后有咩反应?)唉，个老婆听到啲咁嘅嘢又点会开心呀,系咪先?佢梗系有啲唔舒服，但之后都明白系咩事，佢后尾掉返转同我讲，你几廿岁原来都仲有市场，我哋唯有苦中作乐啦，太太身体唔系几好，都担心呢单新闻会对佢有少少影响，(会唔会发个信息俾康子妮?)我唔会喇,因为实在太耐冇联络，连佢电话都冇埋，呢个时候唔系好适合，(太太听解释后系咪完全信任你?)我睇佢个款系啰，我就谂有冇人影到相呀?定系自己得罪人呀?