林晓峰凌晨发文回应婚变　康子妮秒LIKE：我同你冇仇冇恨就好

林晓峰康子妮结婚18年一直系圈中模范夫妻，9月10日晚忽然惊传佢地离婚消息，令外界相当惊讶﹗之后更传出52岁嘅黄翊因拍MV同康子妮合作，卷入佢地婚变一事。林晓峰于凌晨3点几再喺IG发文：“我同你（康子妮）冇仇冇恨就好，何须理会他人指指点点。”

婚变一事忽然卷入黄翊，令矛头直指康子妮，林晓峰于11号凌晨3点几喺IG发文Tag康子妮，疑似回应“第三者”传闻：“我同你（康子妮）冇仇冇恨就好，何须理会他人指指点点。只有我同你（康子妮）明白，呢个系对大家最好嘅决定，你（康子妮）已经付出所有 以后为自己理想努力向前。再难听嘅说话都可能会出自人哋嘅口，只要你、我及真正爱护我哋嘅人安好就天下太平。希望世人都有包容，唔好人损不利己，希望疫情早日退去，一切回复正常，祝福大家一切顺利。”康子妮亦喺发文后火速俾like，相信二人再见亦是朋友。