《过街英雄》收视未理想 　森美直言要负最大责任：讲声唔好意思

森美周二(8日)现身电视城出席无线剧集《过街英雄》宣传造活动。早前森美遭到蓝营人士追击，要求无线停播，否则将永久杯葛。对于剧集收视未理想，森美直言自己要负上全部最大责任，“第一件事自己又新手，你哋都知我几咁惹火啦，如果收视未能预期其他人理想，我都应该讲声唔好意思，我认都系因为我嘅，我坚负呢个责任。（收视未如理想，是否受到追击关系引致？）其实我都唔知，冇人能够清楚话我知，究竟系定唔系？好可能因为咁嘅原因，啲人会睇多咗唔定，可能有人会睇可支持森美，所以实际结果冇人知，对于我嚟讲，我依然尊重观众嘅选择，呢个都显示到香港自由嘅地方。”

（点解惹火？）森美坦言：“其实都冇办法，过去我嘅言论都唔系好偏激，你知啦！喺呢个民意打仗嘅时候，一啲好少嘅事，都会掀起唔同嘅反应，咁所以自己都会明白，作为艺人都要去面对，不过最紧要都系屋企人，最怕佢哋唔明白，自己亦感受到佢哋承受紧其他压力。（会否封口唔讲？）其实一路我都唔多讲，但好多时间都无可避免唔讲，都会尽量关心家人嘅感受，然后再讲说话，但系我最关心系佢哋嘅感受，多于究竟我讲过番说话，触怒到唔同政见嘅人。（即系阻唔到你禁声？）唔同阵营，都讲紧自己相信嘅说话，只要唔伤害人，讲自己相信嘅说话，我觉得我哋应该有嘅言论自由。”