《使徒行者2》内地网上独播　陈豪演黑帮大佬：做好人太耐

无线剧集《使徒行者》收得，开续集是意料中事，今日《使徒行者2》举行记者会，没有林峰、佘诗曼，只剩下苗乔伟、许绍雄，新加入的有陈豪、周柏豪、连诗雅、袁伟豪、麦明诗等。当中网友最爱的欢喜哥（许绍雄）表示，这个故事是前传，发生在2010年，“讲我未做大佬前、仲做紧差佬嘅故事，陈炜做我老婆，但被人杀咗，我要报仇。（同电影版有冇关系？）有呀，（但电影版你个老婆死咗㖞？）系呀，我有两个老婆嘛，其实你地唔应该黐埋一齐睇嘅、电影还电影。”

而新加入的陈豪将会做反派，他说：“做咗好人太耐喇，除咗电影外都未再试过做坏人，今次好好玩，我做黑帮大佬，但唔知同边个有对手戏最多，因为剧入面我系咁杀人，我惊杀到无对手。”陈豪突破电视框框做奸，不过现播放的《来自喵喵星的妳》收视就不似预期，连陈豪都感到失望，他说：“有少少失望啦，不过都可以了解观众嘅口味，下次再调教。我好钟意做笑片，我想带番多啲欢乐畀人。”

不过，《使徒行者2》首先会在内地腾讯视频独家播放，咁香港呢？TVB未有正面交待，不过从部份演员口中得知，《使徒行者2》应该是内地播先。而到时是不是黄金时段播呢？冇人知。而故事同第一集和电影有少少关系，但欢喜哥又要大家分开来看，即系……大家收看时不要想太多吧。