42岁原子鏸宣布怀孕　笑称郑佩佩唔恨抱孙：最遗憾妈咪喺美国

郑佩佩女儿原子鏸（Marsha）去年下嫁摩洛哥型男Mehdi El Ajimi，呢日传来好消息，42岁嘅Marsha已经怀孕14周啦﹗佢接受访问时表示：“BB系男仔嚟，自己其实仔女都无所谓，有咗已经好开心，预产期大约3月，应该喺我生日附近。同老公知道怀孕后无同任何人讲，希望做晒检查知BB健康先同大家讲。”

Marsha表示怀孕初期有少许不适及疲累：“朝早有啲孕吐反应，闻到肉味会唔舒服。个人比较攰同好想好想食嘢，但食完又会唔舒服。妈咪对我地生唔生BB都无所谓，无话特别兴奋，但爸爸就恨抱孙好耐，非常开心。最遗憾系妈咪喺美国，依家唔喺香港，无办法陪我经历怀孕同生BB呢段时间，要等我生完BB先可以去美国见佢。”Marsha指自己会继续教瑜珈，不过会等疫情确诊个案再稳定啲先再开始教班。