【港姐2020】廖慧仪寸嘴回应网民骂战：朝七晚十不断留言好勤力

早前港姐终于进入十强，各位港姐佳丽周三（26/8）首次公开表演集体舞。大热之一廖慧仪（Jessica）在跳舞表现不俗，没有甩beat。她接受《香港01》访问时透露，自己中学时曾钟情于韩团少女时代，所以学过跳舞，“但一阵就放弃咗，（因为）冇乜天分。”

【港姐2020】大热廖慧仪被网民闹系姣精　与男友寸嘴还击爆发骂战

有网友近日在Instagram嘲讽Jessica是姣婆，廖慧仪偕同男友反击，她留言取笑对方错字百出，应该好好读书，不少网民均赞她十分敢言。

Jessica回应上述事件，认为是自己单方面被陌生人攻击，“其实我嘅IG系公开嘅，好多人我都唔认识，佢哋会讲一啲不实嘅留言去话我、攻击我，甚至讲粗口。现实中我就唔会话得罪边个。但系唔紧要，我知道总系有啲人知道自己身份系隐藏就咩都够胆讲，唔使负责任咁讲......我觉得唔系骂战......似系畀人骂多啲啰。”、“其实我系回复讲佢哋系键盘战士，我就帮佢哋打气啦。佢哋都好勤力嘅，朝七晚十都不断留言比我。”她亦提到其他佳丽都有建议她关闭留言版。

谈及会否觉得港姐应该一反传统形象，应敢言且勇于反击，她坦言觉得港姐应该要“做自己”，“我觉得一路以嚟呢，港姐都系冇一个特定框架嘅。我唔认为港姐就系要收埋，我觉得港姐系应该要做自己。如果有人攻击（我），我就冇乜所谓，因为我本身都唔识佢嘅，同埋佢哋讲嘅嘢都系唔真实啦。最紧要系大家心平气和。如果呢场比赛，你觉得个结果唔满意嘅，咁都冇办法。因为始终唔单止网民啦，我嘅真实表现其他观众（都）会睇到。始终唔钟意我嘅人，我做咩佢都唔会钟意，所以我唔想太理会。”

她否认因为想“做自己”才反击留言，反而真实的自己才会对恶意留言一笑置之。问为何又会回复网友批评，她澄清：“其实佢哋可能留一百个，我先覆咗一个，咁就比人无限放大咗。覆咗一两个，佢哋可能留一百个轰炸我啰！好勤力，好佩服佢哋。”她在接受其他传媒访问时又提到，自己都有劝喻男友不要加把口反击网民留言，不过男友就忍不住；又笑谓男友所谓“买你输”的留言仅是开玩笑。

港姐有问题│汪阿姐与佳丽打牌　赞大热廖慧仪：你有啲冠军相呀！

早前播出最新一集的《港姐有问题》中，Jessica被汪阿姐（汪明荃）大赞有冠军相，Jessica就害羞回应指汪阿姐只是讲笑，“可能个阵时拍紧嘢，个个都好眼瞓。有少少讲笑，搞笑嘅......（不过）好开心佢咁讲。”

点选下图观看更多佳丽靓相：