【后生仔倾下偈】港姐赖琦媛认“寸嘴”导致落选：唔识讲嘢技巧

落选港姐赖琦媛（Ivy）今晚（24/8）现身电视城出席《后生仔倾下偈》节目录影。提到今日状态比参选期间还要Fit，Ivy透露近来激减10磅，“因为呢排挂住瞓都冇食饭，我可以朝早起身之后再瞓返，所以好似冇咗食饭呢样嘢，不过妈咪都唔敢打扰我，因为佢都知我参选𠮶两个月挨得好辛苦，不过妈咪都好贴心整定啲嘢食俾我，如果我想食就会攞嚟食，因为休息对我嚟讲好紧要。”讲起落败原因，Ivy直言：“可能之前讲嘢话我太寸，话我太过嚣张同自大，但其实我讲每样嘢都系事实，不过我可能唔识去修饰一下讲嘢技巧。”