【港姐2020】廖慧仪纹身为纪念爱犬过身：好有感情陪咗我好耐

今届香港小姐在今日（20/8）于电视城进行《姊妹淘》录影探班。大热佳丽之一廖慧仪近日被爆出左腰上有纹身，虽然相中她似乎没有刻意遮盖纹身，更大方将纹身相摆上IG任人观赏，然而某些相片中她的纹身却消失不见了。有网民就质疑那是纹身贴纸，廖慧仪今日接受《香港01》访问时就大方承认那是真纹身。

她解释，原来腰间纹身是为了纪念年初逝世的宠物狗，“𠮶纹身系今年最后一次飞英国嘅时候自己一个去纹，𠮶阵屋企狗仔过咗身，我实在太伤心，我都揾咗好多纹身师傅去设计呢个图，去纪念佢。最后都谂咗几个月，然后纹咗一朵花去纪念佢。（咩花嚟？）系玫瑰花，但唔考虑第二个纹身，因为真系好痛。（几时纹？）今年年头二三月左右，佢（宠物狗）今年年头过身，始终都陪咗我十五十六年左右，所以系好有感情，陪咗我好耐。”她透露，原先是想纹上宠物狗图案，然而因为该纹身太大，最后选择面积较小的玫瑰花纹身，“同埋都会想喺啲private啲嘅位置，唔想平时日头出下街都畀人见到咁。”廖慧仪说。

问会否怕公司和观众不接受纹身，她坦言公司暂时没有提出任何相关意见，而她在参选前亦仔细了解过参选条款，“冇一条系话有纹身既女士系唔可以参加。”她强调，自己一向坦白，亦没有后悔纹身，她指：“第一日嚟面试，90几个女仔嚟𠮶日，（公司）都系已经清楚知道我系有纹身呢件事，都冇对我有啲咩说话啦。”

她又引偶像郑秀文为例表达对纹身的看法， 她说：“......我觉得呢样嘢（纹身）好private嘅，我觉得纹身系代表一个人谂紧乜，同有咩故事，而唔系话佢本身系一个坏榜样，一个坏人既象征。咁其实我心目中有啲偶像，例如Sammi本身我都知道佢系喺忧郁症度走出嚟，我知道佢都有纹身，所以都知道纹身唔系坏，系有故事记录低嘅行为嚟。”

问如果进入决赛泳衣环节，会否大方公开纹身，她就指所有服装都是大会安排：“如果场合适合嘅，咁咪遮住佢啰。其实冇乜大不了。如果工作要求要我remove佢，咁我都会考虑嘅。”她再三强调：“自己唔会讲大话。”

点击下图观看更多佳丽靓相：