【铿锵集】38岁剧场表演者变外卖仔　真系日赚$1000咁好揾？

撰文： 邝钰莹
出版：更新：
唔少节目都访问过外卖平台速递员，大家都话好好揾 ，但Dan就话因为近来多咗“步兵”，所以唔系想像中咁好揾。（影片截图）

受到疫情影响，唔少人都选择叫外卖，最新一集《铿锵集》以“生活与生存”，跟着外卖平台速递员周围去，睇下到底是否如坊间传闻所说咁好揾。

早前全日禁止堂食，Dan喺公园仔开餐到一半时落大雨。（影片截图）

38岁嘅Dan曾经系一名表演者，不过2017年开始佢投身外卖仔行列，每天平均跑上100公里：“我而家主要帮粉红色𠮶间送外卖啦，空档嘅时间会开另一个App接啲散单。拉匀平均数我觉得我而家做𠮶间高少少人工，大约系50蚊一单左右，一日做11个钟，基本都起码过千。”

Dan话曾接过一张“两包湿纸巾”嘅订单，非常好做。（影片截图)

Dan表示近来因为唔少舖头结业，加上大量学生或主妇加入做“步兵”，令其收入受到影响，就好似拍摄当日，到了午膳时间，Dan指出正常情况会系单接单。“我发现最近要等5至10分钟先有下一单。”其后，Dan虽然接到单，但到达单位时冇人应门，打电话后对方才告之写错地址：“有时送唔到，感觉好差，会觉得比人老点，又冇咗几十元，都几惨。点样结果都会接受，唔通发脾气丢咗啲外卖咩，都系要顶硬上。”

Dan曾经系一名表演者。（影片截图）
+2

中午开始返工嘅Dan一直做唔停手，不过当佢由商场拎完外卖准备出车时，一见到有交通警已心知不炒，最终获“牛肉干”一张，承惠320元，令Dan连声大叹无奈。“而家可以算系生存紧，尽量有时间就返多啲，想赚多啲，都系为生存。”由于被炒牌，加上落过大雨，令Dan全日接了15张单，收入约为7百元左右。节目尾声，Dan希望疫情过后，可以再次重拾表演者工作、再次追梦，并谓“人如果冇梦想，同条咸鱼冇咩分别”。

点击睇睇外卖仔全日行程：

+18