张建声呻限聚令下收入大减：限两个真系手停口停差唔多零收入

撰文： 洪晓璇
出版：更新：
疫情下张建声收入大减，限聚令收紧至两人更令大部份工作停摆。

疫情爆发后，各行各业都受严重打击，在限聚令之下，张建声 ( Justin )直认收入大受影响：“之前放八个人都有得拍摄下，跟住四个都勉强啦，去到两个就真系手停口停，尤其是我哋做娱乐事业，戏院封晒啲戏上唔到宣传又做唔到，好多 project 又延迟，我相信大部份圈中台前幕后最近过得好辛苦，差唔多零收入，虽一解决方法 stay home，第一为咗疫情，第二就真系悭啲使，冇办法。”

开工刚好遇上全日禁堂食，张建声叹想食餐安乐饭都唔容易。

日前Justin开工，撞正香港史无前例实施全日禁堂食第一日，中午配音团队放饭时，Justin 行去附近商场买汉堡包外卖，期间有食肆姐姐大叹生意难捞，Justin 亦话：“去商场两个人冇得堂食，但比我想像中大家守规矩，有同啲姐姐倾，都话生意差咗好多，希望疫情快啲退啦，大家都辛苦。”

可以有工开做配音工作，张建声已经相当兴奋投入。

Justin 庆幸近月都有些少工作，虽然工作量比疫症前大减，但已非常感恩，今次佢为3D 动漫动画连续剧《西游》及电影版《再见悟空》配音，当日一个俨如玉帝嘅反派“帝释天”，虽然只用声音演绎，但都觉得好好玩：“今次喺《西游》饰演‘帝释天’，系一个唔知几多千岁嘅老人家，声演时要压到把声好沉好沉，用丹田发声发气，丹田攰到冤冤哋，但几得意，原来配动漫另一回事，呢个系比较重要嘅角色，今朝嚟配音嘅时候都惊做唔到，因为对白好厚一大叠，但入吓入吓角色又 ok 几过瘾。”最搞笑系 Justin 配笑声时，突然跳掣“招积”上身，展露了《反黑》“招积”的招牌笑声，对此他笑说：“系呀，我冇望到 screen，入咗去剧本世界，突然间有啲‘招积’走出嚟，比如奸笑啦，我都唔好意思，走咗调跳咗戏。”

配音期间张建声忽然用咗《反黑》招积笑声，佢自己都忍唔住爆笑。