【港姐2020】被指蒲精醉酒任人摸　 陈桢怡：我系非常自律嘅人

港姐入围佳丽“翻版金宇彬”陈桢怡（Celina）昨晚（1/8）现身电视城出席《2020年香港小姐竞选我和港姐有个约会网上直播》。早前有读者向《香港01》爆料指陈桢怡在英国读书时长期“收兵”，亦经常喜爱夜蒲落夜店媾仔。醉酒时会同人揽揽锡锡，更任意被对方抚摸私人部位，大胆程度令人咋舌。

就以上指控，陈桢怡接受《香港01》访问大平反话：“其实我都有留意相关报道，不过唔真实嘅报道，所以我都冇话特别介意，只系一笑置之。况且我喺英国读建筑嘅时候，读建筑嘅朋友都知道课程系好紧凑，所以绝对冇呢个时间去夜蒲，话我醉酒同人有亲密行为，呢个唔系事实，认识我嘅人都知我唔好饮酒，同埋对酒精都有少少敏感，所以我系一个非常自律嘅人，呢啲咁随便嘅行为，绝对唔会发生喺我身上。（有人话你系拜金女？）呢个唔系事实嚟，我系一个比较注重感情多过金钱上嘅人。（怕唔怕再被爆黑历史？）其实呢啲都唔担心。”