后生仔倾吓偈｜港姐陈桢怡遭爆蒲精爱收兵 急澄清：我酒精敏感
撰文： 邝钰莹
出版：更新：
最新一集《#后生仔倾吓偈》请嚟参选港姐嘅侯嘉欣、陈桢怡（Celina）、陈煦凝（Amber Chan）、何曼珊同范倩雯做嘉宾，并预告之后几星期，其他佳丽将会陆续现身节目。
一如惯例，几位佳丽都要报上自己嘅感情状况，以“NA 4”形容自己嘅陈煦凝，就解释系因为唔想拍拖，所以no available；而写“C3”嘅侯嘉欣，就话自己感情状况有啲complicated，她解释同拍拖5年嘅男友，由于对方身在北京，所以已经有近半年无见面，目前处于冷静期，侯嘉欣说时十分忐忑，似乎有少少伤心㖞。
至于早前被读者爆料嘅陈桢怡，原来至今只系拍过两次拖，同现任男友由大学开始交往，至今已经4年，问到知唔知男友前度系戴祖仪时，陈桢怡表示知情，仲话好想见下戴祖仪真人，因为觉得对方笑得好甜。提到男友令佢最难忘嘅举动，陈桢怡话有次男友由英国返港后，有日突然打俾自己，仲叫佢望出窗外。“我见到佢喺apartment前同我say hi，另外有次系佢打扫晒全屋，再煮埋饭比我食。”
陈桢怡之后仲话自己好长情，所以根本不可能会有收兵嘅行为。“我嘅男性朋友5只手指数得晒，同埋之前有话我爱夜蒲，我本身对酒精敏感，饮完之后会红晒，所以唔会去蒲。”对于是否遭身边友人出卖，陈桢怡都话曾经谂过，但强调“我无得罪人 ”