【我要做业主】林秀怡感激逆境获男友主动出首付：层楼系我个名

由胡诺言、林秀怡和彭慧中主持的新节目《我要做业主》就探讨香港连续10年成为全球楼价最难负担的城市，年轻人究竟要比几多挣扎先可以上到车呢？节目更找来有一众星级艺人分享他们的上车奋斗史，首集除了有冯盈盈分享情侣合资买楼的经验外，林秀怡亦有分享自己历经一波三折的上车故事！

点撃下图率先睇星级嘉宾！

现年29岁的林秀怡近年深受网民爱戴，但去年曾因在个人社交平台表达意见后，惨遭TVB雪藏。事隔一年，秀怡终于获解冻，在复工后的首个节目，秀怡亦大方分享自己在去年尾与男友以500万购入屯门300呎新盘。公屋长大的她称自小就努力赚钱：“我一直都有储蓄嘅习惯，演员唔系日日有工开，所以会做网店、好耐之前卖过避孕套、美容嘢同埋保建食品，之后就同朋友夹份开餐厅，储到大慨几十万左右就发生妈妈嘅事件，所以就要用好多钱，之后冇晒啲钱，令置业计划搁置一排先。”

由于林妈妈在2018年确诊患上子宫颈癌，一向悭家又孝顺的秀怡不单要倾尽40万储蓄救母，更同时兼顾三职，赚取更多收入帮补家计，但不幸中的大幸，秀怡的男友决定完成她的置业梦：“好彩遇到一个冇乜兴趣又冇乜嗜好，所以净咗好多钱嘅男朋友。最紧要系男朋友要畀得多啲个首付，我系短短时间都储返10万左右，之后大部分都系男朋友（畀）嘅。”对于不少年轻人都要“靠父干”，秀怡亦笑称：“当然有父干系好，如果真系冇父干就要靠男友干。”

点撃下图睇更多，有秀怡男友真面目！

虽然与男朋友未有结婚，但秀怡直言单位是由她的名字持有：“重点系我哋抽楼花，我排300几，佢排千几，佢就冇可能抽到呢层楼，所以先用我个名。（写你个名先代表佢好爱你？）都系，我好好彩遇到个咁好嘅男朋友，佢肯畀我帮佢理财，我哋一人分一半嘅人工，先至有今日嘅地步。（怕唔怕有一日分开咗唔系咁好？）虽然我哋都有谂过呢个问题，但我哋个情况似老夫老妻，但我都有佢讲分开咗，层楼都系我个名㗎。其实之后都有讲，如果真系分开咗咪补返畀你啰，转个名容乜易。”最后，一向有生意的头脑的秀怡就指自己只有50万的首付，就先买50万首付的单位，因为“点储都追唔上楼价”。

点撃下图睇更多！

同场加映：我要做业主│冯盈盈认一步登天买二千万豪宅　直认：而家会实际啲

点撃下图睇冯盈盈位于何文田单位！