【多图】MIRROR、ERROR成员疫市搞潮牌　“保锜Tee”专玩MK风？

由ViuTV选秀节目《全民造星》 诞生的两个男子组合MIRROR及ERROR在事业上逐渐步上轨道，知名度亦更上一层楼，所以当中数位成员都希望在时装界创造另一番事业，包括MIRROR的Ian（陈卓贤）、Tiger（邱傲然）及ERROR的193（郭嘉骏）、保锜（吴保锜），他们各自创立自己的时装品牌做老板，兼亲自担任模特儿做“生招牌”，又坚称不怕在逆市下创业。

Ian早前忙于拍摄ViuTV电视剧《男排女将》，同时又要准备即将推出的新歌《鲸落》，但他仍抽空创立自己的时装品牌iNDIPANDANT：“呢排因为疫情多咗喺屋企，亦多咗时间了解自己，发现自己由细到大都好钟意时装，以前中学冇乜零用钱，为咗揾外快，就喺日本网站Bid啲潮流品牌服饰返嚟再卖出去，𠮶阵好兴日牌，所以都赚到啲外快。”

Ian灵机一触决定创立自家品牌，并亲自担任设计师； 品牌于周四（23日）推出，在第三波疫情下开网店，Ian未有担心：“大家留喺屋企反而多咗上网，喺网店购物意欲仲高。”

ERROR成员193早前在个人IG写千字文吐苦水，谈到自己本来已经很喜欢Fashion，但却大呻受ERROR形象所限。193毕业后在时装界打滚过6年，所以甚有想法，品牌名字LILABO就是来自经典电影《阿甘正传》中的金句“Life is like a box of chocolate”的简写。

“其实这句话的下一句是：You never know what you’re gonna get，人生好似你开咗一盒高级朱古力，里面有好多味道，但每次你攞都唔知自己攞咗乜嘢味、乜嘢形状，就好似人生咁，可能系好甜或者好苦都唔定，所以我拣咗呢句说话嘅简写做我嘅品牌名字。”193未来数月将会聚焦在时装事业，设计更多新产品。

Tiger屋企人从事制衣行业，所以创立自家品牌Dézert是受家人影响：“入行后爸爸叫我不如试下做自己嘅品牌，反正屋企一路以来都系做紧呢样嘢。”Dézert的设计灵感来自日本时装，全因Tiger自小已爱读日本时装杂志，加上他独爱日本风，所以品牌亦顺理成章以日本风格作开端，不过Tiger希望尝试做唔同产品，日后可以跟不同的品牌合作，甚至到不同的地方参展，他更找了MIRROR两位兄弟Lokman（杨乐文）及Alton（王智德）一同合作，希望擦出更多火花。

热爱创作的保锜，除了ERROR本身的工作外，自己又以独立唱作歌手身份推出歌曲，此外他亦有成立自家品牌Øbeginning1。保锜解释跟创作有关：“ Øbeginning1代表着品牌由冇变有、0变1呢个过程，当中有无限嘅可能性，而品牌名字就展示咗呢个创作过程。”

保锜推出的产品其实隐藏着他的演艺历程与回忆，他说：“我想喺产品上记低属于自己嘅回忆，譬如我讲过嘅嘢，或者我作过嘅歌，每件衫都有个意思，都有自己嘅回忆喺入面。”保锜坦言全部事情都靠自己一双手去做，时间不够，就唯有早点起身，瞓少一点，也绝不假手于人。