陈奕迅抗疫演唱会大获好评 何丽全：已有歌手联络想做第四个
撰文： 洪晓璇
出版：更新：
早前陈奕迅举行慈善演唱会《Live is so much better with Music Eason Chan Charity Concert》，为香港演唱会业界筹款，全球录得2千万人次收看。香港现场演出及制作行业协会联席主席何丽全，日前接受香港开电视主播马梓轩访问时表示：“早前我哋同大企业以及演出业嘅老板们，讲咗我哋业界嘅苦况！佢哋反应非常踊跃，开骚前已筹得约500万善款！完骚后，我哋即刻向公众人士展开筹募工作，至今一直进行紧，到8月10号截止，到时就知道总共筹到几多钱！”
何丽全透露骚后有其他歌手主动提出开骚，希望帮忙筹款：“我哋喺完成陈奕迅音乐会后，好快已经收到电话，话想同我哋协会合作，做一个类似或者唔同形式嘅演唱会！其实无论系许冠杰、郭富城还是陈奕迅音乐会，三个嘅形式都唔同，我哋都构思紧一个新形式，歌手们都希望有新鲜嘅意念，去做第四个演唱会！”
纵然疫情持续，但何丽全对演出及制作行业前景仍然充满信心：“我谂唔驶咁担心嘅，香港人有打不死精神！协会亦密锣紧鼓筹备紧另一个计划，希望同电子媒介合作，由我哋协会牵头做一啲音乐会，全部请番我哋会员去做，然后将版权卖畀佢哋！呢样会唔会成为另一个收入来源，我哋都谂紧！”
重温EASON演唱会精彩时刻：
+18