【新冠肺炎】一星期喺新城开足七日咪　郑启泰：都算系高风险工作

新冠肺炎（COVID-19）入侵娱圈，继施匡翘、Apple姐（刘丽萍）以及同公司宣传人员，还有Apple姐的男友麦德罗等先后确诊之后，今日（22/7）下午时份，新城知讯台执行总监程凯欣亦告确诊。而一星期返足七日新城开咪的郑启泰表示已做好家中直播的准备：“其实之前因为施匡翘确诊，其中一个同我一齐做节目嘅女仔已经喺屋企开咪，咁我都系要返电台嘅，但听日开始就我都唔需要返去电台喇。不过我知道听日都会有工程人员需要返公司做嘢，咁就唯有再小心啲啰。”

郑启泰表示暂时未收到病毒检测报告，虽然仍然有担心，但他认为情况还算乐观：“因为我哋每次入直播室都有规矩嘅，每次换主持都要换咪套、将咪高峰深层消毒兼戴口罩开咪，不过我哋都算系高风险工作，始终不断讲嘢，有时除一除口罩饮啖水都要啦！（你身体最近有冇咩唔妥？）咁都冇事嘅，我自己都做得好足，啲钱唔系用晒嚟买口罩定搓手液，系用晒嚟买消毒液同埋洗衣粉，因为我每次一返到屋企就会换晒啲衫，同埋拎去洗，我觉得最污糟就系啲衣物。不过最影响到就系我每朝6点左右都会去跑步嘅，但自从施匡翘确诊之后我都停咗喇。”