【杀手】49岁樊亦敏被监制嫌肥　减磅丧打搞到周身瘀

樊亦敏(Amy)喺《杀手》中饰演武功高强嘅霸气社团阿嫂“红姐”万天红，面上一道长疤痕，一睇就知有所经历，其角色与她在《爱·回家之开心速递》嘅泼辣“三太”截然不同。

《杀手》有唔少动作场面，49岁嘅樊亦敏喺拍摄时坚持亲身上阵，搞到周身瘀伤都认为值得，睇返佢之前喺IG上载嘅照片，真系有图有真相，连佢自己都话“ 红姐和阿武（黎耀祥）的埋身肉搏，好痛呀.............”不过，樊亦敏嘅付出，亦获不少赞赏，剧集播出后，唔少观众都留言表示“Amy 好好身手”、“睇到都痛，欣赏你的努力”。去年初《杀手》开拍初期，樊亦敏曾被监制嫌肥，她为此节食减肥。

其实樊亦敏91年参选港姐前，已经拍过唔少广告，走嘅亦都系女神路线。参选港姐时，有零死角美人之称，成功打入五强嘅佢入行后备受力捧，首次拍剧《他来自天堂》获安排做女三。唯她后来因患上免疫系统疾病而脱发，开始减少工作，至2012年再次回巢，或者系因为过往所饰演嘅角色多为师奶或闲角，与《杀手》中红姐成强烈对比，令唔少观众都有惊喜。