【多图】郭子豪认爱邓卓殷　甜蜜赞女友系见过最善良的人

去年中传出郭子豪与港姐亚军兼最上镜小姐邓卓殷（Amber）挞著，传足一年终获当时人认爱。郭子豪早前接受访问时，公开感谢Amber于自己低潮时无限量支持。而Amber出席活动时亦承认二人地下情一段时间，对男友突然认爱感到好sweet。

去年5月郭子豪被影到同Amber一齐睇租盘疑似筑爱巢，但当时郭子豪有个拍拖三年圈外女友Karen，疑一脚踏两船。当时郭子豪于IG回应早与Karen分手，对于自己与Amber关系，郭子豪就表示：“分咗手，同埋唔涉及‘小三’，呢啲说话好难听！（分咗手几耐？）唔回应啦。”，疑似默认与Amber关系。

相隔一年二人终承认恋情，郭子豪接受访问时指已见过双方家长，指自己全面停工陷入人生低潮时曾谂过轻生，多得Amber从旁支持，更赞女友系生命中见过最善良嘅人。亦再次强调当日分手后先同Amber喺埋一齐，二人以结婚为目标进发。而Amber十三号出席活动时甜丝丝表示，觉得男友公开讲感情生活好大勇气，以后唔使再避忌。