23岁丁子朗眼白发黄 　肝酵素飙升：医生话十年后有机变肝癌

丁子朗今日（13/7）现身电视城出席明珠台系列节目《绝色星期二：野性超感官》宣传造势活动。丁子朗被问到同女友林宣妤分隔异地，被指留唔住女方。今年23岁的丁子朗直言因为疫情关系分隔异地，但又随即改口话：“咁我哋本身都系好朋友嚟嘅，咁佢又返咗去马拉，咁啱又遇到呢啲情况，都真系有办法嘅。（女方约满无线时，你有冇畀意见叫佢留低？）作为朋友都有讲一两句嘅，但我又真系唔敢讲咁多，因为始终自己年资又唔系好深，唔想影响到佢嘅事业，无论点我都好尊重佢嘅决定。”

子朗受访期间，表现疲倦眼白发黄，细问之下，丁子朗坦言肝脏出现问题，经医生诊断后，证实肝酵素飙升，“其实呢个情况都有半年时间，自己又唔烟唔酒，我都唔知点解会咁，医生话十年之后，有机会变成肝癌，医生叫我多啲休息，但呢排又要拍《七公主》，都冇乜时间休息，不过我而家揾紧中医睇，睇下有乜方法，可以改善到个体质。（屋企人知唔知？）佢都好似知道，我都唔记得有冇讲俾佢哋知。（你眼白好黄！）我都知，拍剧嘅时侯，剧组啲人都有同我讲，话我眼白好黄，问我系咪身体有事，讲真其实自己都有啲担心。”