苏皓儿传为悭钱租住唐楼 自认悭妹：银包长期冇钱

苏皓儿（Chloe) 今日（7/7）现身电视城出席无线剧集《那些我爱过的人》宣传造势活动。日前Chloe被传媒拍摄到收工后，由助手陪同返回大角咀唐楼，被指为悭租金住旧楼。Chloe笑言：“其实𠮶度系我娘家嚟㗎，由细住到大，品流唔复杂，几好住，晚晚有宵夜食，因为大角咀有好多小店，不过而家我就戒咗食宵夜。（有否想过自己搬出嚟？）冇谂过，因为香港嘅楼实在太贵，距离买楼目标仲有成廿年时间。（平时生活点悭住使？）平时食屋企饭，而且自己都好少买衫，着嚟着去都系𠮶几件衫，出席活动会时会借衫着，我自认系悭妹一名。（每日有几现金系身？）我银包长期冇钱。”