专访｜陈洁玲为TVB挨坏身子：骚价平日日有工开，监制唔同你客气

32岁的陈洁玲，2012年参选港姐并晋身十强。落选后，报读了艺员训练班。回望TVB的日子，陈洁玲曾领取最低工资出埠主持旅游节目，又试过被雪藏，庆幸在年轻时遇上这些错折、辛酸，令她比同年龄女生更成熟。

陈洁玲伙拍潘杰宁、黄天颐、乐宜主持ViuTV新节目《索女人妻ichi烹》，虽然话到明系烹饪节目，但陈洁玲坦然自己嘅家居技能为零，既不会使用罐头刀、亦不会煮公仔面。“我真系好忙，一出嚟做嘢就系TVB，日以继夜咁做，离开之后开始自己做生意，煮饭对我来说系好奢侈。”访问中，陈洁玲多次提到自己很忙，并解释自己第一份工是TVB ，五年来日以继夜的忙；离巢后，开始做KOL、经营party room ，令她更忙。回望TVB的日子，陈洁玲说全世界没有一份工比TVB更辛苦。

唔需要同TVB讲感情

“啲人成日呻老板刻薄，刻薄得过我以前？我做幕前都可以畀28元（一小时），佢真系做得出，十集嘅节目，我去越南拍，𠮶时我系新人，无任何bargain power，当下就算知道28元系有啲痴线，但都无得拣亦都无办法。但我会记住呢件事，同自己讲如果要有选择的话，就要增加自己价值。同呢间公司系唔需要讲任何感情，你有利益的话，开佢万二元一小时佢都会照比。”对于老友林师杰早前自揭TVB的续约价只得万二元，陈洁玲绝不感到惊讶。

外景通告负责担遮

读完艺员班后，陈洁玲签的是全职艺员约，但她说的“价值”并没有提高很多，反观因为新人关系，骚价较便宜，所以日日有工开。“我𠮶时系廉价劳工，儿童节目、旅游节目、闲角都有得做，系真系唔怕无得做，每个月仲有两、三万收入，但挨到身体好差。”挨的同时，陈洁玲也当作是累积经验、学多啲，基本上逢job必接，但亦有say no时:“强奸戏呢啲会避，同埋有期成日去迪士尼拍嘢，我系实习，导演、监制唔会客气，一定系call最早收最迟，次次都系去曝晒，有次我仲要帮埋artist担遮，呢啲都系会令你更加发愤。”5年合约，辛酸多于快乐，眼看身边不少朋友开始做 KOL ，无论收入抑或自由度都对陈洁玲非常吸引，所以挨到合约期满后，决心离巢。