许志安戴住婚戒上节目 称100%比以前好：Sammi同我讲要有信心
自许志安上年发生“安心事件”，与黄心颖偷食后，开记者会道歉后便没有再在公开场合露面。今日，许志安事隔一年再度出发，于ViuTV《Chill Club》担任嘉宾，在进行录影前向大家交代自己的心路历程。
“经过呢段时间沉 静思反省学习，觉得自己成长咗好多，呢段时间系有hard time，但当我每次面对自己起点，我都尽力向前望，今日呢个时间系好好时间出嚟面对自己社会群众，呢件事发生令我喺未来行得更多，重新出发，做好自己。呢段时间自己陪屋企人，最主要知道屋企最重要，装备自己最重要，陪多啲屋企人，读书做运动希望可以练好自己，深深知道自己之后点样行，今日系时候出嚟见大家，承担返自己讲过嘅嘢，就系之前讲嘅畀时间自己沉淀。”
安仔续说：“大家知而家疫情，今日想畀大家知我已经准备好，唔敢讲未来系点，但我一定100%比以前好，复出唔敢讲，交畀公司。同自己讲系咪Ready，我太太同我讲要100% Ready，心态要有正面，我问自己真系可以，有少少紧要，见好多朋友，要有勇气承担面对。
（太太有支持？）太太冇特别讲咩，佢话自然啲，要对自己有信心，呢段时间除咗修理自己，因为自己只狗Lucky都老，呢段时间更差，开始行唔到，喺佢身上学到珍惜，花多时间照顾佢，都值得，陪咗我咁耐，希望佢可以开心啲，呢个倒数日子。
（同心颖联络？）冇，以前嘅嘢过咗，大家畀时间我，我知道要人接受要畀时间，我系好信心同自己讲每一步都做好，呢个系错误伤痕，大家唔会忘记，过去咗就过去咗，每次见返我会提醒自己。”
他透露自己早前做义工：“前排自己同苏永康去派口罩，探访老人家，觉得佢哋好需要关注，同啲老人家倾觉得佢哋好需要爱，我有去做义工，整饭盒，整个过程其实系佢哋帮我去思考，未来会多啲关心社会。”
而被问到马国明与汤洛雯早前公开恋情，许志安说：“我有睇，佢哋感情佢哋自己讲。”
即睇许志安表情包：