【专访】艾威效力无线32年如坐监？ 自言有遗憾：成日咁谂就大镬
入行逾40年的艾威，2011年转投香港电视时，曾轰效力32年的无线（TVB）大细超，并决心不再回巢。“好似坐监咁唔再返转头”是他如今对无线的评价，当中的种种恩怨他却不愿多谈。“最要多谢系添哥揾我拍古装剧，打开咗内地知名度，令我有机会返内地登台，但老实讲佢唔系捧我……”
近年频频到内地登台揾食的艾威，因疫情关系自农历年后停工，幸得ViuTV的真人骚节目《中佬唔易做》邀请，令他有工开之余亦初尝转行滋味，担任油站服务员，他笑言可能是敬老的原因，所以才安排了这份笋工给他，三天共赚了九百多元。“自己最希望余生都可以靠登台生活，因为钟意唱歌，招待又好，又有酒饮。辛苦？坐车最辛苦，但已经叫咗尽量安排好一点，同埋唔即晚返港，因为坐夜车好危险。”
点击下图重温《中佬唔易做》记者会情况：
入行多年，艾威效力无线时，曾试过一年七剧的纪录，但却没有令人留下深刻印象的角色，遗憾吗？“一定有！但你唔好去谂，成日咁谂就大镬，要谂啲有建设性嘅嘢，例如系点将演技做到得心应手或炉火纯青，呢样先系自己要做嘅事。”曾经以为自己是怀才不遇的艾威，反复多次想离巢，无奈当时一台独大，直到王维基如同救世主般出现，令艾威重获生机。“咁多年有冇谂过走？有！多唔多？呢个情况就好似做人有冇谂过自杀，我相信好多人都会谂过，只不过有冇认真去对待同实行。”
点击下图观看专访靓相：
艾威说自己加入无线初期，获不少唱歌机会，收入不错甚至要推Booking，萌生离巢的原因，他说已经忘记了……“𠮶个地方变咗，同初初入去时好唔同，但都已经过咗去所以无谓多讲，总之就好似坐监咁唔好返转头。但都要多谢添哥（监制李添胜）揾我拍古装剧，令我喺内地有知名度，令我有登台机会、有唔错嘅收入，但亦都老实讲𠮶阵公司并唔系要捧我，之不过有个角色畀我咁解。”
艾威早年在浸会大学开班传授演艺心得，首堂已叮嘱学生不要期望能诠释史坦尼斯拉夫斯基理论，因为他认为那一套理论并不会帮助学生成为一名演员，更激发他决定要写书教授演技。“我希望佢哋明白咩系做戏，埋位时要注意啲咩，好多时去到现场化妆又会畀意见、打灯又畀，好莫名其妙，所以对我嚟讲剧本唔一定要熟读，最紧要系自己去分析同尝试，呢个系我咁多年拍戏结集而成嘅心得。”
在没有地位、没有知名度的时候，艾威在片场被骂过无数次，虽然心有不甘，但也只能忍气吞声。“好深印象曾经做将军，要拍手叫埋伏咗嘅士兵出嚟，我拍完之后武指话我要慢慢咁拍，但我心谂你要叫人出嚟，当然要拍快啲架啦！点解连拍手都有既定形式呢？演戏唔系应该由心而发？ ”以前没有地位，就算不认同也只能接受，如今学玩抖音，有团队撰写剧本，虽然因文化差异经常Get不到个中笑点，但艾威仍然会照做。“好难Handle，自己亦都真系唔识，但好简单就已经有几廿万点击，咪试下啰。”
场地提供 : Harlan’s