【中佬唔易做】绿叶王变抗疫商家　游飚慨叹：成日被良心当狗肺

ViuTV新节目《中佬唔易做》揾嚟袁富华、古明华、张松枝、麦长青、敖嘉年及艾威6位资深演员，投身另一行业，首集讲到麦包因为无其他工作经验，所以只能靠朋友介绍，呢佢呢位朋友，原来系有“TVB御用烂仔”之称嘅游飚。今年52岁嘅游飚，中三已经开始做临时演员，到89年正式加入无线，之不过多年来都系做闲角，曾在经典神剧《大时代》中一人分饰演三角。他曾透露喺无线做足21年，到离巢时(2012年)人工都只系10,500元，连看更都比他高人工，公司知道佢有意过档港视时，亦只系加300元挽留，不过他未有因而觉得无线刻薄，因为没人强迫演员签约。

为咗养家同揾食，游飚喺港视期间，开始成立自己嘅生意，与日本公司合作，主力负责做去甲醛工作，身为老板嘅佢亦亲自落手落脚做工程。近年游飚公司除VOｔｃ甲醛工作外，亦独家代理嘅抗菌产品水触媒，有指之前疫情肆虐时，产品一度卖断市，甚至被人炒高价钱。游飚接受《香港01》访问时，指由新年至今虽然做唔停，但只可以用“稳定”去形容，生意并非赚到笑。“因为市场上太多临临种种嘅产品，而香港又唔似得台湾同日本咁普及，所以大家选择时会乱。”他指自己6年前首次接触水触媒时，亦不相信其功效，直到使用后才瞓身经营，但他坦言呢盘生意“好Ｘ难做”，所以每次见客时都会非常用心讲解。

游飚说如今生意平稳，令他足以养活一家五口。“都叫供到层300几呎嘅楼啦”但他坦言由于每年都要做到一定的生意额，所以压力十分大，“我匿埋喊𠮶阵你唔知啫，不时都会遇上拎个心出嚟俾人当狗肺。”由创业示今，游飚的公司只有6名员工，全部均属兄弟班，虽然身为老板，但仍要亲自出面倾生意，他透露东南亚亦有其客户。“有无吐气扬眉感？有排都未到啦，真系唔易做。”对于近年不少绿叶王离开无线，问游飚可会曾招揽他们做自己的员工？他说：“佢哋离开都一定系处心积虑，一定有自己嘅打算先咁做。TVB代遇差都唔系今日嘅事，但点解佢用咁低成本都可以请到咁多人？佢本事啰！我从来都唔会埋怨TVB ，仲好感恩，但当年实在系无辨法支撑生活先走，所以呢，一个愿打一个愿挨。”

点击睇更多中佬精彩片段：