雷有辉爆林德信儿时录音室搞搞震：佢入行做歌手老板叫我教佢唱歌

雷有辉、林德信日前分别接受香港开电视“开工大吉”访问，二人录影厂碰面时鸡啄唔断，大谈昔日的渊源，雷有晖笑指要由几十年前讲起：“以前喺录音室见佢唔太高，跟住爸爸嚟录歌，喺度搞搞震！后期佢入行做歌手，佢唱片公司老板叫我教佢唱歌，其实唔洗我教啦，系我跟佢学瑜珈就真！”

雷有辉就话未敢高攀收Alex做徒弟，笑指二人都未合作过，邀请对方同台演出，二人更即席合唱《拼命三郎》：“今日唱就更系未够喉啦，但系我12月可能有个骚演出，梗系想揾Alex帮手做嘉宾，但系怕佢地骚钱太贵，我请唔起佢地咋！”

林德信就话二人常隔空合唱：“我以前成日做Event成日被要求唱《分分钟需要你》、《敢爱敢恨》，冇咗歌手把声，但听得出底声其实系Pat哥，所以我一入行就同佢合唱架啦，所以一定要揾一次同台Jam歌过留番瘾！”