【独家】邓智伟事件来龙去脉详细睇 K小姐自爆被神秘人跟踪
44岁音乐人邓智伟向传媒指自己遭受一名圈外人滋扰多时，更直指自己去年3月在夜场认识任职夜总会小姐的对方，并于2月报警，而这名圈外人“K小姐”接受《香港01》访问时却自称从事市场推广，直斥男方所述不尽不实，亦指自己已与警方录口供，举证指控邓智伟恐吓。
【独家】邓智伟背高海宁偷食 正印K小姐反受害：阻佢工作一定死
【独家】背高海宁偷食 K小姐爆邓智伟家暴旧爱：一巴打落乐瞳到
一切都要由上年3月讲起，“我有个旧同学系做演唱会幕后，有一次Gathering有人生日，我就去咗，当时我都唔知佢（邓智伟）系边个。”K小姐说，邓智伟当晚散席时向她自称有司机，可以顺道载她回家，“之后我哋就交换咗微信”。未几，邓智伟并向K小姐展开追求，不但朝早Morning夜晚Goodnight，更向她大谈娱圈血泪史，“佢讲佢喺TVB做𠮶时，周永恒点样害佢，搞到佢俾ICAC调查咗大半年，跟住搞到佢抑郁症要睇医生。（点样一齐？）因为我哋唔可以成日见，所以佢不时都隔住个电话有弹琴畀我听，有好多好窝心好温暖嘅Moment。”然后他们便正式成为情侣。
K小姐直言曾经质问邓智伟是否与高海宁拍拖，但对方一直矢口否认，“佢话自己从来冇承认过，如果同记者否认，佢又唔想烦。”她指自己上过邓智伟屋企后便安心很多，起码知道对方并非如报道所指与高海宁同居，“佢系一个人住。（冇女人住过嘅痕迹？）完全冇，系见过有支粉底液，‘呢啲仲唔系女人嘢呀’，后尾佢叫我睇清楚，支粉底液系唔知7定8号色，好黑，系佢自己用。”
点击下图观看高海宁靓相：
后来，K小姐发觉邓智伟对自己财政状况有所隐瞒后，便开始质问对方为何要讲大话，“佢话佢从来冇讲自己好有钱，供车供楼都系记者乱写”。两人自此时有拗撬，而两人亦因为长期分隔北京、香港两地，所以最后决定分手。
【独家】K小姐爆邓智伟扮有米 钟情山寨货：佢去北京买翻版波鞋
K小姐指邓智伟爱用山寨货，睇睇邓智伟IG相有冇端倪：
后来，K小姐竟然被警方拘捕，“警察拉我𠮶日，话我曾经打电话恐吓佢，我根本冇讲过佢𠮶句。（佢话你讲咩？）‘如果你再唔理我，我就要你身边嘅人都要死’，但系我从来都唔会讲呢啲嘢，我连粗口都唔讲。”而经律师保释的她在个多月后，再向警方录口供，指控邓智伟才是恐吓她的人。
K小姐提供截图证据：
K小姐坦言事件对其生活造成莫大影响，“我长期瞓唔到，有去睇医生，而家都仲要覆诊。（有冇影响工作？）有人跟住我，当初朋友、屋企人都唔信，觉得我唔够瞓、乱谂嘢，所以真系有个人揾上嚟我公司，话我出面犯咗事而家俾人通缉，然后要我写Report同公司讲返件事。”而这个跟踪K小姐的人，亦被她的同事察觉：“有次同同事食饭，同事问觉唔觉得个陌生人见过好多次，有4、5次，明明我同同事已经行到好远食饭！我开始意识到我有危险，后来我都有同警察讲。”