古明华经历两次生死愧对太太：咁多年做演员都系自私

古明华四月初时因胆囊发炎而入院做手术，最终将整个胆囊切去，缝了11针，休息了三星期才为ViuTV真人骚《中佬唔易做》开工。其实本身已有糖尿病嘅古明华，曾在2016年时因肺感染而住院３个月，他接受《香港01》访问时，指太太曾患病、女儿亦由十岁起成了长期病患，所以自己在面对逆境时已十分习惯。“呢个病最深感受并唔系自己能唔能够继续生活，而系你要好实在、好开心咁热爱你嘅生命、身边嘅人，唔好只专注喺痛苦或难题之上，呢啲系人生必须面对，只不过睇你同咩人去经历，即系无论我拎奖又好、病又好，都同家人一齐 ，呢个先系最重要。

经历过两次大病，古明华笑言仍未学会养身，但已学会活在当下、珍惜身边人。他又忆起早年发现肺部有阴影时，医生指有机会为癌症的一刻。“ 𠮶时就会谂有咩地方要去，好多内疚、伤感未解决，同埋会谂起老婆， 因为咁多年都系自私做演员，直到我去咗配音。如果唔做呢行，我哋生活上可以俾到佢哋好啲，呢个都几肯定，但系我自私，唔去睇佢哋，而佢哋又唔投诉，好似觉得咁嘅生活OK就算数，但其实件事唔应该系咁，应该切实咁企喺佢地立场去睇，所以去到2009决定全职配音，因为生活好隐定，物质上亦好舒服，成家人生活系好好，周未可以陪家人，过咗人生最好嘅3年。但因为拎到奖，公司想我拍返嘢，于是又拍返嘢，拍野系老婆同女都最想我做，而我到呢一刻都认为，如果环境同之前一样，我宁愿配音， 唔拍剧都得。平淡是福，当你经历过又感受过就会知道。”