【中佬唔易做】古明华胆囊发炎急送院开刀：试过撼头落地分散痛楚
撰文： 邝钰莹
出版：更新：
ViuTV真人骚《佬唔易做》集敖嘉年、古明华、张松枝、麦长青、艾良以及袁富华，现身餐茶厅杂工、油站职员、外卖员等工作。今年初刚离巢嘅古明华(古佬)出席记者会时，在心意卡上写上“热爱生命、热爱生活”似乎十分感触，他接受访问时透露四月初开工前夕，因急性胆囊发炎而要即时送院开刀，令拍摄计划受到影响。“做完手术之后连讲嘢都无气，好在其他中佬可以顶到我个档期，所以真系好多谢ViuTV。”
古明华表示年纪大加上生活作息，一年多前已有胆痛问题，但一直未有理会。“四月初𠮶时真系痛到空白，真系痛过生仔，痛到连呼吸都唔记得。我仲记得屋企有个窗花，如果冇窗花我应该已经跳咗落去，好痛！真系好痛！又试过为咗分散注意力，于是撼头落地，撼到呯呯声，吓到个女喊，但当时我系唔觉得个头痛。”将胆完全切除后，因疫情关系，所以古明华只留院5日就返家休养：“总共缝咗11针，加加埋埋瘦咗15磅，成个胆切晒，我而家无胆架啦。不过医生话影响不大，因为肝会分泌胆汁，同埋无多余胆汁去分解油脂就会排出，即系话身体唔会积聚多余酒脂，咁对心血管系好好。”
+16