女神陈婉衡开班教健身Chur爆　两位数试玩价男学生争住上

《3日2夜》女神陈婉衡（Alycia）出名身材火辣，热爱健身的她自从以过万元考获健身教练牌，于上月就开始在陈庭欣男友杨振源（Benny）投资的健身室“挂牌”做星级导师，女神一星期开一堂教大家做核心肌肉训练！

自从上月Alycia开班消息一传出，随即惹来大批男学生抢住上堂，加上健身室大酬宾，试玩价只需88元，真是相当抵玩，难怪每堂廿个名额秒速被Book爆，就连准老板娘陈庭欣都在IG大呻：“Full到连我都冇位上堂。”

Alycia接受《香港01》访问时就透露：“其实我4月就开始教，教咗几堂Gym room就闩咗门，初初都比较多男仔，我自己都有少少意想唔到，去到后尾都多番女仔，都有3、4成系女仔。”问男学生们有否专心上堂？她指：“大家都好乖好认真去上，但初初教Group Class未揾到个平衡，可能就比较Chur咗啲，好多同学仔都做得好吃力，初初唔系咁跟得上，之后我就慢慢调整番个程度系啱番所有人，爆汗得嚟又应付到。”

问反应是否很热烈？她笑称：“初初教场场都爆满。呢排Gym Room开返，但我又唔小心拉亲条筋，所以呢两个礼拜就唞一唞，希望下个礼拜可以教番。（啲男学生追你咁点算？）点算？冇呀，咪睇大家夹唔夹啰。”看来Alycia都不排除发展师生恋，看来健身班又要场场爆满了。

点撃下图了解更多！