传靠张宝儿父母畀首付买豪宅 袁伟豪压力大：俾人追问啲钱边到嚟
撰文： 吴子生
出版：更新：
袁伟豪（Ben)早前承认与拍拖三年女友张宝儿，以联名形式斥资超过六千万购入清水湾豪宅王傲泷一个复式花园单位共筑爱巢，并坦承有意作新婚时之用。有指首付四千万由女友张宝儿父亲张煌煌支付，当作爱女嫁妆，而阿Ben却摇身一变，成为“三亿驸马”，可谓“夫凭妻贵”。
今日阿Ben同宝儿出席无线《两个小生去Camping》宣传活动时，就此事接受《香港01》访问，阿Ben就话：“其实外界有佢哋嘅睇法，媒体用咁嘅词语形容我，我会接受嘅，至于话佢Daddy帮我哋俾咗四千万首付，我觉得好多嘢唔应该知得太清楚，唔系每件事都要打烂沙盘问到底，再讲呢间屋，我哋两个都要承担风险同责任。”袁伟豪靠张宝儿父母出四千万首付买傲泷 年底做三亿驸马？袁伟豪随时做“三亿女婿” 细数豪门驸马最强只有22岁
阿Ben续指：“知道好多人质疑我哋，点解可以揾咁多钱，亦有网民话我捞艺员边度会揾咁多钱，但其实过去咁多年，我喺香港及内地做过好多演出，其实𠮶啲都系辛苦揾返嚟嘅钱，𠮶啲系够俾首付，俾完首付就要靠搏杀做嘢揾钱去供，公一份婆一份去供，唔好去憎人富贵厌人贫，其实我自己都承受好大压力，点解我做一样嘢，要同全世界嘅人去解释咁多，而且好似追住问我，啲钱喺边度得嚟，我哋唔系打家劫舍，我哋啲钱系光明正大揾返嚟，我哋啲钱系要去供楼又要还钱，希望大家明白。”
+8
袁伟豪张宝儿新居逐格睇 四间房兼超大开放式厨房
+8
同场加映TC Candler百大美女入围女星：
+19