【瞩目配角】王俊棠两段爱情叠到应　自认贪花好色：我系衰人！

时间回到2008年，当年52岁的王俊棠（棠哥）3月在九龙维景酒店，举行小型结婚酒会，正式迎娶年轻9岁空姐女友吴嘉莉（Susan），掌心一直冒汗的他在八両金、乔宝宝、宝珮如、邓英敏等好友见证下，以一首《迟来的爱》向新娘表达爱意，场面可谓温馨动人，而Susan亦在台上讲了一番肺腑之言，直认这段爱情得来不易：“王师奶呢份工一啲都唔易做，试用期咁长先被录用，会好好珍惜。”婚后多年，各大报章杂志的追踪记者间中亦遇见棠哥和太太卖甩两个仔撑台脚，夫妇仍然恩爱，两人感情如昔。不过，2020年的今日，棠哥讲起感情事却自认衰人：“我奸㗎，专呃女仔！”原来，他曾经拥有两段重叠的感情线。
摄影：陈顺祯
短片、剪接：吕荣栋
场地：Cubus 28
鸣谢：Barry@巧松啲

点击下图观看棠哥演过咩衰人：

两条感情线　怪自己贪花好色

“我两个仔系唔同妈妈。”1982年，棠哥与圈外前妻结婚，两人不久之后诞下大仔王子铭；2007年，棠哥再婚的一年前，前妻不敌癌魔与世长辞，但Susan诞下的王家二公子王东泰（James），其实早于1992年已经出世：“我好细个就识佢（Susan），当时我已经喺DD（Disco Disco）做嘢，佢哋嚟玩，佢阿哥嚟玩先嘅，之后再带佢嚟玩，才至识到佢，𠮶时佢仲读紧书。”棠哥直言一切都是年轻时犯下的过错，只怪自己贪花好色：“有啲有啲嘢，‘哒’，点着咗就冇办法，或者系饮多两杯，真系会发生啲事，我哋特首（林郑月娥）都咁讲。”那年，棠哥36岁，Susan 27岁：“𠮶时佢偷偷哋咩嘢（怀孕产子），冇征我同意。”

认亏欠前妻：佢郁埋郁埋就病

老公与另一个女人生小朋友，作为妻子，没有可能不察觉出异样，而棠哥亦认自己对前妻有莫大亏欠：“佢（前妻）知。（佢有咩反应？）咪郁郁寡欢，女人就系咁，郁埋郁埋就病，所以男人真系唔好做错事。点讲呀，都系𠮶句，真系对佢唔住。”为顾及前妻感受，棠哥与Susan见面也不会大模厮样，“去𠮶边食饭，都唔可以畀佢知。”当时已经患病的前妻下午仍然会在湾仔酒吧落街帮忙，夜晚便会回家休息，而棠哥见对方已经回家，便会动身到鸭脷洲另一间他主理的酒吧，与现任太太见面：“佢收咗工就会嚟帮手，佢哋两个系互相见唔到。”

点击下图观看专访靓相：

永不放弃　16年后守得云开

“你认真就输喇；一个认真，一个唔认真，都输埋。”与Susan斩缆这个念头，相信在棠哥脑海中闪过不下一次，然而“责任”两只字，使对奸角架轻就熟的无线（TVB）御用恶人，恶极都恶唔出：“人本身系善良，如果你真系要恶起上嚟，系可以用好多方法。（然后你心软？）责任。（因为有咗小朋友？）一来啦，二来系佢咁样，佢一定系好爱你，你冇理由辜负佢。”就像杨过与小龙女的“16年之约”，Susan也一等便等足16年，棠哥在多年后的今日，回想这段时间也忍不住赞她毅力好、永不放弃：“唔系个个都系咁，我谂佢系万中无一。”

要说服大仔接受Susan，棠哥直言是难于上青天，“佢直情好反对我哋结婚”，但经过几年时间的磨合、相处，大仔亦慢慢解开了心结：“而家冇问题喇，仲成日嚟我哋屋企食饭，都OK嘅，都倾到偈嘅。佢今年都36岁，识谂㗎嘛，等于而家啲人睇戏，知你做奸个人唔一定系奸，西宫都唔系一定系衰。”

赞大仔勤力　弹细仔未够大只

讲起大仔王子铭，当年一次过打4份工的棠哥好欣赏他够勤力，“佢做Camera man，佢入咗无线做咗几年之后就番出嚟读书，读IVE摄影灯光，读完之后，佢啲师傅叫佢返无线，佢话嘥时间，因为喺TVB晋升机会好微，同埋好难有机会出到外景，佢出面又有朋友搞影楼，都几多Job，所以佢宁愿出去闯，而家疫情冇嘢做就做住送外卖先，揸架单车周围去。”而提到细仔James，可能是因为父子同为幕前，他反而踩多过赞，“唔觉唔觉佢已经28岁，都仲系咁！佢靓仔过头喇，由细到大都太多人赞佢靓仔，我成日佢叫佢操大只啲，佢17岁初初入无线𠮶阵，个个监制都话佢太瘦，而家都叫有少少肉。”不过，他从来不担心James“揾唔到食”，因为对方在模特儿界发展不俗，间中都接到大Job：“天生天养，天唔养，咪我养番啰！”

虽然棠哥对出名靓仔的James非常挑剔，但一讲起对方就成个慈父样出晒嚟：