冯盈盈与何猷亨搭上亿元游艇出海　亲于IG回应新恋情

冯盈盈去年年尾回复单身，宣布同医生男友Martin结束4年情后，传出同加拿大籍“大只主播”郑衍峰（Leonard）火速挞著，喺节目《#后生仔倾吓偈》更钦点对方做“男友”。不过呢日有传媒影到冯盈盈出海，同行嘅居然系千亿富二代何家公子何猷亨﹗

近两个月冯盈盈同郑衍峰看似不时隔空传情被影到互相表送，又喺接受访问时出口术话对方符合自己择偶条件，估唔到可能只系烟幕﹗呢日有传媒影到冯盈盈现身深湾游艇会，无几耐居然见到何猷亨现身，佢地前后脚入场登上亿元豪华游艇开PARTY。喺船上虽然有二三十人，但盈盈同猷亨不时互望，又不时咬耳仔，甚似热恋中男女。

其实猷亨特别钟情娱乐圈美女，2015年与陈滢（Jeannie）同游日本令恋情曝光，之后又传出搭上刘佩玥，身为港姐冠军嘅冯盈盈当然符合佢嘅择偶条件。

盈盈出海后喺IG上载相片话：“Every time I slip into ocean, I learn something new。今年第一次出海就学到新技能Wakesurf，识到一班新朋友❗又领悟到新道理。”并写上“#无挞著只有挞落水 #紧张到我眼中只有条绳 #要上岸我宁愿游水。”其后再喺5月25号早上6点，于IG STORY留下32字留言：“大家真的只是朋友，没有默认更是否认，请大家不要想多了，不想再添花边新闻。”