陈明恩宣布离巢TVB　《飞虎之雷霆极战》成告别作

凭剧集《老表，你好嘢！》为人熟悉嘅陈明恩，原来已经喺TVB工作13年，呢日喺IG宣布已于2月约满离巢，正在播出嘅《飞虎之雷霆极战》就系佢嘅告别作。

由07年嘅《同事三分亲》至今，热爱唱歌多于演戏嘅陈明恩终于选择离巢，佢喺IG留言话：“好开心有机会参与 TVB《飞虎之雷霆极战》， 可以一齐飞去伦敦拍戏！ 真系好难忘！这是我在TVB参与最后一部电视剧，好感激咁多年可以有机会喺TVB工作， 认识到好多好有才华嘅人，同埋结识咗好多好朋友。 多谢TVB 、乐小姐、珍姐、多谢咁多位监制，导演 ，前辈， 艺员同事，化妆 服装 发型同事 ，同埋所有幕后同事 ，畀好多机会我同埋教识我好多嘢，喺我人生里面有著好重要的歳月, 我已经好挂住大家，珍惜你哋每一位。我现刚约满，会休息一阵，稍后会继续尝试不同类型的演艺跳舞唱歌工作，追求一个更进步的自己，期待为大家带来更多的新鲜感，谢谢各位。”