【晚吹】空姐爆航空公司阴招　迫员工离职赔钱：隔热手套都要95元

最新一集ViuTV《晚吹-又要威又要戴头盔》请嚟四位空中服务员，除分享机枪入面最污糟嘅地方之外，亦大爆航空公司到底有几无情。刚离开航行界嘅May提到被公司开除时，对方使出嘅贱招：“制服系逐件收费，制服系公司比，还返比佢系好合理。但系比我嘅数量，未必可以即时还，因为佢开除我之前一日我仲有返工，件衫仲喺洗衣机，咁我点拎呢？佢当我唔见要逐件赔，佢拎张纸出嚟，话我SUPPOSE有咁多嘢，无的话就会用铅笔写上价钱，同你讲要赔咁多。张纸嘅嘢加埋差不多三千、四千，一个平时用来隔热手套要95元。”May表示好在她知道在香港劳工法例中，弄丢或者弄破雇主物件，赔偿上限系300元，才逃过破财。

另外，讲到飞行生涯嘅难忘事，May就话遇过有乘客过身，而事发时机并无医生。“一开始系有同事派完餐，同我哋讲有个客瞓咗，叫我哋留意，怕佢瞓到歪咗会摔倒，后来佢突然话个伯伯拍唔醒，手手脚脚突出嚟，冲去睇佢系完全无反应。 我哋开始急救，做咗两小时间心肺复苏术 ，其他乘客当时系拎电话出嚟影，而我哋要阻止。”由于进行咗两小时心肺复苏都无任何改变，于是医生透过电话判定客人死亡，但另一问题随之而来。“因为班机九成full，所以只可以调走佢旁边嘅人，而伯伯继续放喺原位。”

May表示航班改飞另一地方，将遗体运走、警察问话、进行简单清洁后又再飞往目的地。“不过因为班机真系无咩位，所以同事系要坐返喺刚才伯伯坐𠮶个位。”另一位空少嘉宾亦曾遇过医疗事故，他表示：“试过有个爸爸抽搐到翻白眼，但佢讲法文完全沟通唔到，好在机上有医生，而医生女儿学法文，机长亦都系法国人，最后found out佢系飞行恐惧症，上机前完全唔记食药，好在佢老婆揾到后备药比佢食佢。”