降魔的2.0│监制曾邀出演瑠佩悦子 刘佩玥：我有佢嘅身材就好
撰文： 陈芷颖
出版：更新：
刘佩玥（Moon）今日（14/5）现身将军澳电视城出席TVB剧集《降魔的2.0》宣传活动，凭住“啤啤”一角吸纳不少小朋友粉丝，她因此非常开心：“我一入䢂，啲妈咪同我讲‘佢望住你呀，佢记得你系啤啤’，我同佢Hello，可能我真实嘅样冇啤啤咁可爱，所以佢哋系惊，好紧张。大人同细路都钟意睇，好开心。”
至于剧情发展如何，Moon就大卖关子，不过就透露会有更多感人情节：“嚟紧嘅洋葱多的是，希望大家预备多几张纸巾。”剧中马明最爱的AV女优“瑠佩悦子”由刘芷希饰演，Moon笑言当初监制有邀请她出演：“我话‘梗系唔得喇，我边有咁多时间’，讲笑啫。本身都系芷希做，佢嘅身材、样系比我更加正，要揾佢先有𠮶个效果。如果我有咁嘅身材就真系太好，而家我爸爸都叫我‘瑠佩悦子’。”
有传同剧演员麦凯程在反修例活动中被捕，继而被TVB雪藏，麦凯程今日亦未有现身《降魔的2.0》宣传活动，与他份属朋友的Moon则不评论事件：“如果真系发生咗，我唔去评论，始终系人哋私人事，希望佢情况Ok。都会谂点解佢唔嚟宣传，我今日先啱啱知原来系咁样，唔多讲，希望佢Ok，等佢自己处理咗先。”
点撃睇更多Moon靓相：
+4