后生仔倾吓偈｜冯盈盈郑衍峰关系公开？　自爆泄密：除夕系纪念日

冯盈盈去年与医生男友钟文浩（Martin）分手后，上月被指与大只主播郑衍峰“暗挞”3个月，除指二人拍拖庆祝除夕之外，又指盈盈靓车任男友揸。对于感情状况，盈盈喺回复传媒时表示抱开放态度，仲叫大家俾啲空间佢……

喺最新一集嘅《#后生仔倾吓偈》，盈盈同绯闻男友郑衍峰双双登场，仲主动提到点解会同郑衍峰一齐过除夕:“因为始终果段时间我比较孤单。”陆浩明闻言后表示：“除夕咪好耐啰？佢应该摆到下年除夕先出啦。”估唔到系盈盈竟然以“我都咁话，因为纪念日嘛。”纪念啲咩呢？拍拖一周年？郑衍峰听到之后，即时插咀表示：“你唔好乱讲嘢㖞。”盈盈见状，即改口表示：“即系BBQ纪念日，系因为实在好孤单，身边无人陪……”盈盈表示BBQ当晚大部份都系郑衍峰朋友，而且有唔少情侣，人哋见佢同郑衍峰单身又可怜，先会叫埋佢哋一齐，明明系郑衍峰朋友，但又点解会叫埋盈盈参加呢？

自与盈盈传出恋情后，郑衍峰即被称为“女神收割机”，事关他在《3日2夜》中多次与邝洁楹、陈诗欣、苏可欣等人合作。节目中，盈盈先系表示唔够cup数同《3日2夜》女神斗，而郑衍峰竟然为咗盈盈而将一众女神降呢：“我无收割任何人，果啲系未女神大家觉得系未系啰。”得啦，知你得盈盈女神一个啦。