黎振烨被同届港男闹爆　梁裕恒：咁忍唔到最多咪去去叫X

落选港男梁裕恒（Flow）不时都在社交平台爆料，黎振烨背大肚妻偷食朱智贤咁大件事，佢又点会无嘢讲呢。日前梁裕恒先在FB分享有关报道，并发文表示：“做人无底线！”之后再在IG Story出po力数参选港男时，黎振烨刻意扮清高：“当年扮好男人真系极呕心，一大班港男港姐倾偈，佢刻意行开话‘我唔可以同其他女仔倾偈，费事老婆介意’，做畀工作人员睇，做畀高层睇，但真系over咗啰，一大班人闲话几句正常社交，而（依）家又唔系叫你单独去荒山野岭食蛋糕，有咩问题？”
 

愈讲愈激动嘅梁裕恒，斥黎振烨趁老婆大肚去“偷食”是“贱中之贱”，他说：“唔系一般人做得出，你有性需要真系咁忍唔到，最多咪去去叫X，但好明显两日唔止单纯性关系，大佬，你老婆陀住你个BB嫁!”他又指如果真系好男人的话，唔需要不时都提住，明串黎振烨入行时塑造嘅情深好男友形象。