【降魔的2.0】拍剧撞正安心事件 马国明指没影响：大家都向前望
撰文： 陈芷颖
出版：更新：
马国明今日（29/4）现身将军澳电视城出席剧集《降魔的2.0》宣传活动，他以的士司机Look出场，非常贴切主题。马明指第二辑是第一辑的延续，整个故事更成熟之余仲艳福无边：“如果观众真系钟意想pick up返，就要睇返1先，因为系紧接落去。我同3位靓女（黄智雯、刘佩玥，谭凯琪）都会有少少亲热戏，隔咗好多年冇同一套戏咁多靓女去做亲热戏。”
“安心事件”发生一周年，而当时马明正正在拍摄《降魔的2.0》，虽然连日来被传媒追访，马明直言没有受到影响：“我𠮶时几投入剧本入面，冇畀自己情绪影响演出，监制、编审对我好有信心，我嘅演出佢哋觉得完全冇问题，演出甚至比剧本更多。任何事情都过去，我相信事件嘅当事人都settle咗，所以唔使成日提起，大家都向前望。”
朱智贤被爆密会有妇之夫黎振烨，女方今日（29/4）亦现身记招向大家致歉，马明指与对方不太熟，但应给予当事人空间：“感情事好难分对与错，亦唔方便讲啲咩，件事唔关我事，留返当事人回应。（有冇联络谢东闵？）等佢自己处理，东闵虽然平时系一个大细路，但其实佢几成熟，佢自己可以settle，我好少理人感情事，佢哋想讲就会讲，唔使问，唔方便讲太多，相信佢哋好快冇事。”