朱智贤被爆密会黎振烨 好友胡鸿钧：我信佢可以克服到、加油
撰文： 陈芷颖
出版：更新：
胡鸿钧（Hubert）今日现身将军澳电视城出席剧集《降魔的2.0》宣传活动，Hubert乘搭的士出场，非常有霸气。有别于第一辑，Hubert不再是“石敢当”，而是饰演马国明死去的儿时好友“豪仔”：“会交代返离开咗人世到人间发生咗咩事，同马明，心姐（谢雪心）有啲咩故事呢，系非常精彩。”
《降魔的2.0》的主题曲和插曲都是由Hubert主唱，而插曲更亲自作曲，他特别感谢监信任：“好有意义，插曲系拍摄《降魔的》时间创作，将当下心情写低，冇谂过一年之后嘅而家可以成为插曲。（有冇信心好似第一辑主题曲《到此一游》唱到街知巷闻？）冇谂成绩，《到此一游》咁好成绩我系受宠若惊，希望今次嘅主题曲唔会失礼。”
2020年，Hubert在歌曲的产量上会大大提升，他透露有很多作品制作中或录制完成，至于唱剧集歌或非剧集歌Hubert同样钟意，最紧要观众喜欢：“非剧歌参与度会大啲，可以将自己个人感受、经历投入，两者系serve唔同purpose，系我唱就得，最紧要大家钟意。”
最近朱智贤被爆出密会有妇之夫黎振烨，曾同朱智贤拍剧的Hubert相信她能克服今次事情：“我认识嘅佢系非常开朗、非常专业嘅女仔，我对佢有信心可以克服到，朱智贤，加油！遇到呢啲新闻都需要自己一个思考、面对，都冇特别打扰佢。（咁谢东闵呢）我同Brian嘅沟通都系工作比较多，好少八卦对方私生活，冇特别因呢件事揾佢，要畀返啲空间佢哋，系基本嘅尊重。作为朋友会为佢哋默默打气。”
《香港电影我撑场民选大奖2020》全民一人一票，用行动撑本土！
旗舰智能手表 Series 5、Dyson风筒等丰富奖品等你赢！