杨卓娜曾患情绪病 试过有轻生念头：我童年有啲唔愉快经历
撰文： 赖家杰
出版：更新：
杨卓娜今天（28日）出席无线（TVB）剧集《十八年后的终极告白》的宣传活动，她接受《香港01》访问时坦言至剧集首播起，一直有留意外界反应：“听返好多朋友同网友反应都话好好睇，每一日都好紧张。今次好好彩做到‘强嫂’呢个角色，有好多唔同嘅地方畀到大家睇。”
谈到杨卓娜有“御用寡妇”之称，经常在剧集中饰演寡妇，之前接受访问更指自己演到“滑哑”，她说：“好多演员都会遇到呢个问题，不过唔会唔识演，系你投入程度度冇咁大。我而家遇到嘅问题系听完个故事同角色我会唔想去做，某程度我做每一件事希望演好个角色，带到一啲事畀观众，而我去享受呢个演出。但有时候会遇到公式化角色，演出完会令我唔开心。”
谈到杨卓娜曾经患有情绪病，她坦言主要问题是童年有不愉快经历和工作上的压力，加上不懂得抒发情绪，曾经有轻生的念头：“其实我童年有啲唔愉快经历，纯粹系家庭成长问题，因为屋企问题。屋企单亲家庭，加上妈妈再婚，令我生活上同相处上有压力，令我成个青少年时期唔开心。到再入呢行，好大压力。因为我唔钟意俾人问长问短，又怕焦点喺我身上，成日都想保护自己，唔想俾人知我内心世界系点。我愈系压抑愈辛苦，但而家学识释怀。自己都好快抽离咗轻生呢个念头，唔可以有呢个谂法。”
《香港电影我撑场民选大奖2020》全民一人一票，用行动撑本土
https://hkmovies2020.hk01.com
旗舰智能手表 Series 5、Dyson风筒等丰富奖品等你赢！