朱智贤黎振烨｜陈婉婷独撑人夫冇偷食：佢不嬲对其他女仔都好避忌
撰文： 董欣琪
出版：更新：
朱智贤（Ashley）昨日（27日）被爆背着绯闻男友谢东闵搭上有妇之夫黎振烨，两人被传媒影到在屯门山路上于车厢内单独私会食蛋糕，两人慌张表示只是朋友关系，而且急急脚走人。事件曝光后，黎振烨立即清空IG，同时转为私人帐户，Ashley也将IG转为私人帐户。而曾与黎振烨在剧集《丫鬟大联盟》中饰演情侣的陈婉婷（Hebe），就力撑拍档绝对是好男人！
黎振烨经常公开对太太表白，好男人形象深入民心，但近日突然传出偷食传闻，消息令人震惊！不过曾与他合作拍剧的Hebe，在回复《香港01》时就表示对对方有信心，更大爆对方当众拒绝靓女埋身：“其实我唔信佢会偷食，佢个真人其实好唔识讲嘢、亦都好冇情趣，所以我唔觉得佢会沟女。有一次，有个平时喺人面前扮纯情，但系周围姣人嘅女仔请佢食粒糖，佢立即喺人哋面前将粒糖送咗畀第二个男仔。虽然我都解释唔到今次呢件事系点解，但系我对佢有信心，我同佢合作过，相处咗几个月，我知佢个人绝对唔系咁！”
+30
黎振烨与太太在2015年结婚，老婆怀孕8个月即将临盆，而Hebe就力撑对方好锡老婆：“佢同老婆一齐咗十几年，佢不嬲对其他女仔都好避忌，谂返转头佢平时做啲嘢，我唔觉得佢会偷食。虽然我唔知系咩事，但系我觉得佢唔会啰。如果真系就真系会失望嘅！但系我对佢有信心，佢想同太太有小朋友好耐㗎啦。佢真系好锡佢老婆，你谂下佢一出粮全数过去佢老婆account，佢真系过马路会扶阿婆，见到靓女眼都唔望𠮶啲人嚟㗎㖞，其实我就信佢冇嘅，而家最惊系佢老婆动咗胎气咋，佢哋好难得先至有咗呢个BB！”
+13
《香港电影我撑场民选大奖2020》全民一人一票，用行动撑本土！
旗舰智能手表 Series 5、Dyson风筒等丰富奖品等你赢!