【机场特警】王梓轩被误会“偷食”邓佩仪　海旁拍谈情戏逼真

王梓轩在《机场特警》中饰演斋sir一角，虽然与拍档诗嬅(邓佩仪饰)有感情线，但两人每次撞面都会头头碰著黑，但最后亦会擦出爱火。其实这对欢喜冤家早已认识，拍摄时二人甚有默契，更有记者误当两人拍拖，直指梓轩“偷食”，实情却只是剧情需要！梓轩笑言：“其实我同Gloria识咗好耐，我哋一拍即合，冇乜尴尬场面，可能太逼真嘅关系……有一次我哋喺海旁拍戏，想拍个wide shot，啲机摆得好远，有记者朋友经过就偷拍，以为我哋两个偷情，登咗出嚟，咁当然唔系真啦！我谂大家睇落去都会觉得好自然。”

《香港电影我撑场民选大奖2020》全民一人一票，用行动撑本土！
https://hkmovies2020.hk01.com
旗舰智能手表 Series 5、Dyson风筒等丰富奖品等你嬴!

剧中梓轩除了与Gloria有感情外，与两只警犬亦有不少对手戏，梓轩指：“一开场就见到要退役嘅prince，同后来嘅Duke，好多谢Clement sir，两只都系佢嘅爱犬，Clement sir大有来头，佢系一个真嘅前OC，即系机场特警最高领导，佢客串套剧兼借出两只爱犬俾我哋拍摄，一个咁犀利嘅人，拣嘅品种一定好好，两只狗都好聪明、好好力、反应好快，但都好钟意虾人，如果你同佢哋唔系好熟，或者你驾御唔到佢就会虾你，我初初同佢哋合作，喺未埋位时，要用好长时间先可以拍摄到，佢哋知道𠮶个系mark位，知道有人望住，几时roll紧机，几时cut机，但佢特登要搞吓你，所以我每次拍摄前都要同佢哋放电，就算开06都会早一个钟入去同佢哋玩，佢哋好好力，最长放咗两个钟，后来就缩短至一个钟头多，我同佢哋玩波、跑步，每一次睇个剧我都会好挂住佢哋。”