冯盈盈传与大只主播郑衍峰拍拖　IG Story贴图疑回应前后脚拍拖

冯盈盈自从同医生男友Martin结束4年情后，双方都分别有新发展，盈盈被指同主播郑衍峰疑似发展地下情。仲话盈盈推荐对方多次亮相主持嘅节目《后生仔倾下偈》，连价值60万嘅座驾都借俾郑衍峰代步﹗呢日盈盈喺IG贴图疑回应恋情。

盈盈呢日喺IG STORY上载一张超市购物时嘅相片，见到佢戴住口罩前后脚弓字步企，留言话：“行超市识行一定系前后脚，其边个唔系前后脚？唔通要双脚跳？仲有无人肯陪我行超市？”疑似回应外界指佢同郑衍峰除夕时孖住行超市。另外盈盈仲上载学整梳乎里蛋卷嘅相片，制成品系就系有少少㶶，不过诚意可加，有份食嘅应该都会甜在心头。