工藤静香50岁生日木村拓哉高调放闪　光希心美PO童年照祝贺

当年同木村拓哉结婚后，曾为天后嘅工藤静香退落嚟相夫教女，到依家两个囡囡光希及心美先后出道，工藤静香摇身一变做跟得星妈，陪伴左右。4月14日系工藤静香50岁生日，木村拓哉以及两个囡囡都有上载合照祝贺。

当年工藤静香同木村拓哉奉子成婚，多年来甘于做木村背后女人，木村喺太太50岁生日罕有于微博贴出二人合照，高调放闪留言：“Happy Birthday”至于两个囡囡光希同心美，亦分别贴出多张细个同妈妈嘅合照。心美以日文留言感谢妈咪教诲，又表示虽然因疫情未能外出，但已经为妈咪准备惊喜。

至于光希就以英文写下长文，大赞静香系“the best mum in the world”，感激妈妈为屋企嘅付出，光希仲话：“有些人相信一啲错误嘅资讯及想像，但我想同大家讲出真相！我的母亲系世界上最善良、最体贴、最懂得爱、最懂得原谅和正面积极嘅人﹗好感恩我可以生于咁有爱嘅家。”