【陀枪师姐2020】罗仲谦挨斩碌地　顾家男要小心：动作戏交俾替身

罗仲谦昨日为《陀枪师姐2020》开工，剧中饰演基层黑帮嘅佢，由第一集开始已无间断被追打，昨晚在冰室为避开追斩而倒地。工作人员拍摄前、NG后都会用消毒药水抹地，防疫功夫做到足。罗仲谦说：“坐过、用到嘅餐具都会喺你面前消毒，所以好安全。同埋自己呢排开工都系著同一对鞋，因为唔想搞咁多嘢。”

罗仲谦表示近日虽然要拍剧，但仍会尽力抽时间陪老婆。“之前都有一齐去运动，而家只可以喺屋企，陪个囡倾计，屋企有成十几本胎教书，佢都真系有俾反应架。”问到女儿出世后，会否减少接坏人角色，罗仲谦笑言：“唔会啦，而家咩都要做。仲拣？唔好拣啦。又唔系经济压力，反而喺拍戏上要思前想后，有啲危险动作以前后生都会话不如自己试，但而家都系交比替身，自己会惊，老婆又会成日问有无危险动作，记得揾替身，唔会偷鸡，因为而家真系惊。”罗仲谦表示老婆妊娠反应少，并唔多呕，除咗偶尔瞓觉时脚抽筋，但二人仲未决定到底顺产定开刀，虽然医生表示目前情况可顺产，但罗仲谦认为最重要是母女平安。