肥妈爱犬生B一出世就唔识郁　靠不断做人工呼吸成功救活！

肥妈（Maria Cordero）一向是爱狗之人，经常在社交网站分享家中多只狗狗的近况。她在Facebook公开她养的其中一只唐狗Sasa日前诞下11只狗BB的片段，并表示当其时其中一只一出世就无呼吸，整个接生过程相当惊险。

肥妈表示，Sasa在早上11时开始生B，到晚上7点半一共生了10只狗BB。正当她向网民报喜之际，Sasa肚入面的第11只BB“11哥”突然出世，但却天生无呼吸，令肥妈急得哭了出来，并边哭边帮忙为牠急救：“佢一出世就冇呼吸，而SaSa都冇办法帮佢，我都唔知点做，我当下只系希望人工呼吸能帮佢，但我不断试，点整佢都唔郁。其实我原本冇打算同大家分享，因为我以为救唔番，都唔系咩开心的事，因为中间隔咗一个钟头都冇呼吸，但我真系唔想放弃，当我最后继续做人工呼吸之后，我将佢揽住，用自己体温畀佢，11哥突然奇迹咳咗一下，我真系好感动好感动！”

她视爱狗Sasa如自己的女儿一样，所以亦同样地视Sasa的狗BB如自己的孙一样：“我真系当佢地（哋）都系自己的孙，都系生命去照顾，佢地系我最好的亲人，可能我未必所有步骤都做得岩（啱），但感恩感恩，最后11哥可以救得返，最后11只狗仔原原（完完）整整！”肥妈表示，自己会收养第四只狗BB和她亲自救回的“11哥”，而另外的已获她身边的朋友收养。

肥妈救回狗BB的一幕被网民大呼好感动，纷纷大赞她有爱心，并感谢她到最后都没有放弃。另外，亦有网民建议肥妈为狗妈妈Sasa做绝育手术，肥妈回应道：“其实一开始都系想帮佢绝育，但系人地（哋）话狗女要黎（嚟）完第一次经期先可以做，跟住我有一个月唔系（喺）香港，一睇唔实就咁！”

点击观看肥妈为“11哥”急救的过程：