【打天下】太入戏徒手为谈善言抹鼻涕　王颂茵：下意识做咗都唔知

由“棠哥”欧锦棠首度身兼监制、动作总指导和主演的ViuTV新剧《打天下》，将于4月13日晚上九时半首播。几位主要演员，包括“棠哥”、文颂娴、“阿谈”谈善言、Anson Kong@MIRROR（江𤒹生）、张建声，以及“Kathy仔”王颂茵日前都有出席发布会，为新剧造势。

“Kathy仔”今次在剧中饰演“阿谈”的闺密“善善”，是她入行两年以来，拍剧戏份最重的一次，她笑言当初知道有份演出《打天下》，还以为会很轻松，因为不用拍摄武打场面，岂料加入剧组后才知道是另一回事。“点知去到后期，先知道我个角色要被人打被人糟质！”

饰演谈善言闺密　亲手代对方抹走鼻涕

何解那么“阴功猪”？“Kathy仔”坦言跟“阿谈”饰演的好姊妹角色庄惠有关。“剧入面，善善系庄惠嘅闺密，事无大小都要睇住佢，就好似保姆咁，所以嘢都系为佢而做，于是惹到一啲麻烦。”未入剧组之前，“Kathy仔”跟“阿谈”并不认识，“Kathy仔”决定使出影相这一招，又不断跟对方聊天，拉近彼此关系，加强默契。

“我要融入个角色，就不停影佢相，影影下，我发觉自己真系爱上咗佢。譬如有次‘阿谈’真系打伤咗，当佢化紧妆嘅时候，我走去帮佢捽药酒，同埋仲有一场戏，系讲庄惠会喊，佢喊到半路，啲鼻涕喺度瀡来瀡去，我又冇纸巾喺手，就一只手咁抹过去，直头系下意识做咗，自己都唔知。”记者好奇她口中的那种“爱”，是友情还是爱情，“Kathy仔”起初大卖关子，“咁样剧透唔得㗎㖞！”

感谢“棠哥”与导演肯教　拍完《打天下》信心大增

入行以来，“Kathy仔”演出机会不算多，仅在《做演艺嘅！》、《娱乐风云》、《黑市》里饰演配角，今匀在《打天下》戏份则较多，“Kathy仔”承认，监制“棠哥”与导演高林豹要求相当严格，令她颇有冲击，“我始终系新人，信心都唔大，但‘棠哥’同导演都好肯去教我，就算佢哋闹我，都系教紧我嘢。”

她举例，比如在镜头前如何走位、情绪拿揑等等，都要准确，“走位要行得、企得好准，如果唔系就会Out focus（对焦不准确），又好似情绪掌握方面，一去就真系要去到𠮶个位，Over咗又唔得，呢啲嘢都令我觉得，我仲有好多嘢要再学。”“Kathy仔”又说，拍罢《打天下》让她信心大增，冀将来更加尝试演绎更多角色。

点击下列图辑欣赏“Kathy仔”靓相：