陈婉衡出动行山吸新鲜空气　大呻做漏防护措施晒伤心口

新冠肺炎（俗称：武汉肺炎）疫情下，假日油尖旺区变得水静河飞，反而去郊外行山就人头涌涌。Alyciac陈婉衡曾经主持《山系女行yama girl》，热爱运动嘅佢最近都有趁机去行山，不过就做漏防护措施，搞到好伤。

Alyciac呢个月已经去咗几次行山，见佢上载嘅相片都无戴口罩，唔知系除低影相定见周围无咩人所以无戴。可以去户外吸新鲜空气的确身心舒畅，但Alyciac就做遗咗重要步骤﹗佢喺IG STORY上载一张相，见到心口晒到红晒，应该系防晒搽得唔够，清晰见到运动BRA TOP印，真系睇到都痛，佢仲留言话希望唔会有下一次。