【新冠肺炎】食肆结业走数　老公收唔到钱 　黄芳雯：见步行步

美女主持Paula(黄芳雯）今日（19/3）现身尖沙咀为香港开电视全新体育访谈节目《大辉主场》记者会担任大会司仪，讲到体育足球运动，Paula坦言之前对足球运动毫不认识：“自从同黄兴桂合作做节目认识之后，佢就成日带我去睇本地足球赛事，佢会话畀我知好多关于足球方面嘅知识，而且我老公亦系是一位足球狂热迷，有时候佢半夜三更话要出去同朋友睇波，咁我紧系要识做畀佢去啦，佢去睇波，我就煲剧抗疫。”

Paula老公从事家禽食品供应商，在疫情影响下，餐饮行业生意难捞纷纷结业，Paula透露老公亦被人走数收唔到钱：“其实听到佢讲话宜家香港嘅餐饮业，嚟近呢两三个月后会有更加多食市结业，但对佢嚟讲其实影响不大，因为佢都有供应畀啲大型超市，反而宜家啲人少咗出街食饭，多咗去超市买𩠌煮饭，不过始终都会有啲客户冇畀钱走咗数，其实呢啲情况多多少少都有发生，惟有见步行步啦！”